Lajmet e fundit

Komisioni për Punë të Jashtme, Diasporë dhe Investime Strategjike, kryesuar nga Vjosa Osmani, kryetare e Komisionit, ka mbajtur sot mbledhjen e radhës.

Gjatë kësaj mbledhjeje, komisioni formoi grupet punuese për mbikëqyrjen e zbatimit të ligjeve nga fushëveprimi i komisionit, përkatësisht ligjeve, për zbatimin e të cilave është e obliguar Ministria e Punëve të Jashtme, si dhe ajo e Diasporës dhe Investimeve Strategjike.

Pas kësaj është diskutuar lidhur me propozimet për emërimet e reja në shërbimin diplomatik, si dhe respektimin e kuotës së paraparë me Ligjin për Ministrinë e Punëve të Jashtme dhe Shërbimin Diplomatik të Republikës së Kosovës.

Në fund të takimit të sotëm, komisioni diskutoi edhe për fushëveprimtarinë e tij bazuar në Draft- Rregulloren e Kuvendit.