Lajmet e fundit

Kryetarja e Komisionit për Integrime Evropiane, Njomza Emini, priti sot në takim Ambasadoren e Luksemburgut në Prishtinë, Anne Dostert.

Në fillim të këtij takimi, znj. Dostert e ka falënderuar kryetaren e komisionit znj. Emini për takimin dhe për mundësinë e bashkëpunimit e të shkëmbimit të pikëpamjeve për proceset në të cilat ndodhet Kosova në rrugën e saj drejt Bashkimit Evropian.

Ndërsa kryetarja Emini ka falënderuar znj. Anne Dostert për takimin dhe e ka njoftuar me punën dhe angazhimin e Komisionit për Integrime Evropiane, si dhe rolin e tij në Kuvendin e Kosovës.

Në takim u diskutua edhe për mundësinë e bashkëpunimit me Parlamentin e Luksemburgut.