Lajmet e fundit

Komisioni për Zhvillim Ekonomik, Infrastrukturë, Tregti dhe Industri, në mbledhjen e sotme, të kryesuar nga Dardan Sejdiu, zv/kryetar, shqyrtoi planin e punës për sesionin vjeshtor.

Pas diskutimeve, komisioni miratoi planin e punës për këtë sesion.

Më pas, komisioni diskutoi për "Raportet Konsultative për përcaktimin e të Hyrave të Lejuara Maksimale" si dhe "Raportin Konsultativ për përcaktimin e Faktorit të efikasitetit" të Zyrës së Rregullatorit për Energji (ZRRE).

Para komisionit raportet i paraqiti kryesuesi i Bordit të ZRRE-së, Arsim Janova, ndërsa përfaqësuesit e Federatës së Sindikatave të Pavarura ElektroKosova - FSPE, paraqitën qëndrimin dhe kërkesat e tyre përkitazi me tarifat e energjisë, statusin e punëtorëve dhe çështje të tjera preokupuese.

Komisioni, ndërkaq, kërkoi nga ZRRE-ja që të marrë parasysh kërkesat e sindikatës dhe të sektorit që rregullon këtë çështje, duke gjetur një zgjidhje të pranueshme.