Lajmet e fundit

Kryetarja e Komisionit për Integrime Evropiane të Kuvendit të Republikës së Kosovës, Njomza Emini, ka pritur sot në takim shefen e Zyrës Ndërlidhëse të Greqisë në Prishtinë, Ambasadoren Constantina Athanassiadou.

Në këtë takim u diskutua për punën dhe aktivitetet e Komisionit konform fushëveprimtarisë së tij, me theks të veçantë, veprimet që ndërlidhen me zbatimin e MSA-së.

U diskutua, gjithashtu, edhe për sfidat me të cilat po ballafaqohen institucionet në zbatimin e reformave, me qëllim të përmbushjes së obligimeve të dala në procesin e integrimit.

Në këtë takim, po ashtu u diskutua për çështjen e liberalizimit të vizave.