Lajmet e fundit

Në mbledhjen e sotme të Komisionit për Mbikëqyrjen e Financave Publike, të kryesuar nga kryetari i Komisionit, Faton Topalli, pikë e rendit të ditës ishte shqyrtimi i Raportit të Auditimit për Pasqyrat Vjetore Financiare të Ministrisë së Punëve të Brendshme, për vitin e përfunduar më 31 dhjetor 2015.

I ftuar në këtë takim ishte ministri i MPB-së, Skender Hyseni, mirëpo në mungesë të prezencës së tij Komisioni u dakordua që kjo çështje të shtyhet për një mbledhje tjetër të radhës. Edhe pse në takim ishin të pranishëm zv.ministri i MPB-së, Valdet Hoxha dhe përfaqësues tjerë të kësaj ministrie, u theksua se tashmë është praktikë e Komisionit që këto raporte të diskutohen vetëm me prezencë të ministrave.

Krejtësisht në fund, Komisioni ka diskutuar në detaje edhe për aktivitetet të cilat duhet të jenë prioritet për Komisionin.