Lajmet e fundit

Kryetarja e Komisionit për Integrime Evropiane, Njomza Emini, priti sot në takim shefen e Misionit të EULEX-it në Kosovë, Alexandra Papadopoulou.

Kryetarja Emini e informoi shefen e EULEX-it lidhur me punën dhe aktivitetet e Komisionit që ndërlidhen me zbatimin e Marrëveshjes së Stabilizim-Asociimit, si dhe me Agjendën për Reforma Evropiane.

Znj. Papadopoulou, nga ana e saj, u interesua për angazhimet e komisionit përkitazi me fushëveprimtarinë e tij. Shefja e EULEX-it e njoftoi kryetaren Emini për punën dhe sfidat me të cilat po ballafaqohet misioni që ajo drejton.