Lajmet e fundit

Komisioni për Zhvillim Ekonomik, Infrastrukturë, Tregti dhe Industri, kryesuar nga Muhamet Mustafa, kryetar i komisionit, mbajti sot mbledhjen e radhës, në të cilën shqyrtoi Raportin me amendamente të Projektligjit për shërbime.

Në emër të grupit punues, raportin e paraqiti anëtari i Komisionit, Rrustem Berisha, ndërkaq, pas shqyrtimit të amendamenteve, komisioni i miratoi ato.

Në këtë mbledhje, komisioni shqyrtoi në parim edhe Projektligjin për ndryshim- plotësimin e Ligjit për miniera dhe minerale.

Këtë Projektligj para komisionit e paraqiti iniciuesi i kësaj nisme legjislative, përkatësisht, deputeti, Shaip Muja.

Lidhur me këtë, Komisioni vendosi që paraprakisht të konsultojë Ministrinë e Zhvillimit Ekonomik, ndërkaq, vendimin lidhur me këtë, Komisioni pritet të marr në një nga mbledhjet e radhës.