Lajmet e fundit

Komisioni për Bujqësi, Pylltari, Zhvillim rural, Mjedis dhe Planifikim Hapësinor, të cilin e kryesoi zonja Duda Balje, kryetare e komisionit, mbajti sot mbledhjen e rregullt, me ç'rast shqyrtoi Projektligjin për Zhurmën.

Në mbledhje, përveç anëtarëve të Komisionit, morën pjesë edhe përfaqësuesit e KDI-së.

Në këtë mbledhje, anëtarët e Komisionit, pas një debati të gjerë lidhur me ndryshimet dhe plotësimet, e përkrahën në parim këtë projektligj, i cili do të dërgohet në procedurë të mëtejshme për miratim në Kuvendin e Republikës së Kosovës.