Lajmet e fundit

Kryetarja e Komisionit për Integrime Evropiane, znj.Njomza Emini, gjatë takimit që ka zhvilluar sot me shefin e UNHCR-së, z.Narasimha Rao, e ka njoftuar atë fillimisht lidhur me punën e Kuvendit të Kosovës dhe të komisioneve parlamentare, në veçanti duke u fokusuar në angazhimet e komisionit të cilin ajo e udhëheq.

Me këtë rast, Emini shprehu përkushtimin e Kuvendit dhe të institucioneve të Kosovës në përgjithësi, për të përmbushur detyrimet që u ngarkohen atyre në plotësimin e kritereve që kërkon procesi i integrimit evropian.
Kryetarja Emini falënderoi UNHCR-në, për ndihmën që ka ofruar deri më tani në procesin e riatdhesimit dhe krijimit të kushteve më të mira për të riatdhesuarit.

Nga ana e tij Shefi i Misionit z. Narasimha Rao, ka shtuar edhe më tej angazhimin dhe përkushtimin e UNHCR, për të kontribuar në mbështetjen e proceseve të integrimit që ndërlidhen me fushat të cilat i mbulon Misioni i UNHCR në Kosovë.