Lajmet e fundit

Kryetarja e Komisionit për Bujqësi, Pylltari, Zhvillim Rural dhe Mjedis e Planifikim Hapësinor, Duda Balje, priti sot në takim kryetarin e Shoqatës së Miqësisë Franko- Shqiptare me seli në Francë, Tahir Shabani.

Kryetari i kësaj shoqate, Shabani, e njoftoi kryetaren Balje për angazhimet e tyre nga fusha e bujqësisë, si dhe bashkëpunimin që kanë me shoqatat e tjera ndërkombëtare (FAO, OBT etj.), të cilat në fushëveprimtarinë e tyre kanë bujqësinë.

Ai po ashtu shprehi dëshirën që kjo shoqatë të vizitohet nga Komisioni, në mënyrë që angazhimet të bashkërendohen sa më mirë.

Kryetarja Balje, nga ana e saj, pasi e falënderoi atë për vizitën, e njoftoi po ashtu edhe për angazhimet e Komisionit.

U dakorduan që në të ardhmen të ketë vizita më të shpeshta, me qëllim të gjetjes së mënyrës më të mirë për t'i kontribuar zhvillimit të bujqësisë.