Lajmet e fundit

Kryetari i Kuvendit të Republikës Kosovës, Kadri Veseli zhvilloi takim me Kryeministrin e Qeverisë së Republikës së Kosovës, Isa Mustafa. Në fillim të takimit kryeministri Mustafa përgëzoi kryetarin Veseli për zgjedhjen e tij kryetar i Partisë Demokratike të Kosovës, duke i uruar suksese në përgjegjësitë e reja politike.

Në takim u bisedua për zhvillimet aktuale në vend, me fokus të veçantë zhvillimet që lidhen me procesin e liberalizimit të vizave. U bisedua po ashtu, për funksionimin sa më të mirë të koalicionit qeverisës, si dhe koordinimin e domosdoshëm ndërinstitucional në funksion të fuqizimit e përmirësimit të qeverisjes në të gjitha nivelet.