Lajmet e fundit

Me rastin e vdekjes së gjuhëtarit të njohur, Isa Bajçinca, kryetari i Kuvendit të Republikës së Kosovës, Kadri Veseli, ka ngushëlluar familjarët, miqtë dhe kolegët e të ndjerit.

"Familjes, miqve, kolegëve, ngushëllime për vdekjen e profesorit të njohur të gjuhësisë Isa Bajçinca.

Profesor Bajçinca ishte pjesë e ngritjes dhe zhvillimit të Universitetit të Prishtinës, i cili, në gjysmën e dytë të shekullit të kaluar, u shndërrua në qendër të lëvizjes sonë kombëtare për lirinë e Kosovës.

Profesor Bajçinca ligjëroi dhe edukoi gjenerata të tëra me kulturën e lartë të gjuhës dhe letërsisë shqipe, e cila në ato rrethana, ishte angazhim i drejtpërdrejtë në afirmimin e identitetit politik e kulturor të Kosovës, që mohohej vazhdimisht nga hegjemonia jugosllave", thuhet në telegramin e ngushëllimit të kryetarit Veseli.