Lajmet e fundit

Komisioni për Punë të Jashtme, në mbledhjen e parë të sesionit vjeshtor, e cila u

mbajt sot nën kryesimin e kryetarit të tij Enver Hoxhaj, shqyrtoi agjendën e punës

së komisionit për muajt në vijim.

Me këtë rast, kryetari i komisionit Hoxhaj, propozoi që një nga temat e komisionit

të jetë edhe çështja e emigrantëve nga Siria, Strategjia për bashkëpunim ndër-

parlamentar dhe bashkëpunimi i komisionit me organizata ndërkombëtare, si dhe

aktivitete të tjera që i përkasin fushëveprimtarisë së komisionit.

Po ashtu, në këtë mbledhje është folur edhe për shqyrtimin e Raportit të

Komisionit Shtetëror për Shënjimin e Kufirit me Malin e Zi.

Lidhur me këtë raport reagoi deputeti Ramush Haradinaj, njëherësh lider i AAK-

së. Ai vlerësoi se ky raport nuk duhet shqyrtuar fare, sepse, sipas tij, marrëveshja e

nënshkruar me Malin e Zi ka qenë një gabim i madh, ndërkaq, për këtë fajësoi

kryetarin e Qeverisë Isa Mustafa, si dhe zëvendësin e tij Hashim Thaçi. Po ashtu,

ai fajësoi edhe kryetarin e Komisionit Shtetëror për Shënjimin e Kufirit me Malin e

Zi, Murat Meha, për të cilin tha se është i manipuluar.

Pas kësaj, deputeti Haradinaj, lëshoi mbledhjen.

Kundër marrëveshjes me Malin e Zi u shprehën edhe përfaqësuesit e tjerë

opozitar, deputetët: Zafir Berisha dhe Puhie Demaku.

Në vijim, anëtarët e komisionit ngritën çështje të tjera, përfshirë këtu edhe

intervistimin e kandidatëve për ambasadorë, të propozuar nga Qeveria.