Lajmet e fundit

Në Seancën e zhvilluar të datës 06 Maj 2015 në pikën Pyetje Parlamentare, janë shtruar pyetje për përgjigje me gojë, për të cilat deputetët nuk kanë marrë përgjigje.

Kështu, Kryeministri i Qeverisë së Republikës së Kosovës, z. Isa Mustafa nuk i është përgjigjur pyetjeve të deputetit Ismajl Kurteshi (VV) deputetes Shukrije Bytyçi (Nisma për Kosovën), deputetes Teuta Haxhiu (AAK), deputetes Puhije Demaku (VV) dhe deputetit Rexhep Selimi (VV).

Po kështu Ministri i Arsimit Shkencës dhe Teknologjisë, Arsim Bajrami, nuk i është përgjigjur pyetjeve të deputetëve Ismajl Kurteshi (VV), deputetit Nezir Çoçaj (PDK) dhe Mytehar Haskukaj (VV). Kurse pyetjes së deputetit Lahi Ibrahimaj (AAK) nuk i është përgjigjur Ministri i Bujqësisë, Pylltarisë dhe Zhvillimit Rural, Memli Krasniqi.

Edhe në seancën e datës 18.05. 2015 në pikën, Pyetje Parlamentare, janë shtruar pyetje për përgjigje me gojë, për të cilat deputetët nuk kanë marrë përgjigje.

Përkatësisht; deputetit Faton Topalli, (VV) dhe Zafir Berisha (Nisma për Kosovën) nuk kanë marrë përgjigje nga Kryeministri i Qeverisë së Republikës së Kosovës, z. Isa Mustafa, kurse deputetit Pal Lekaj (AAK) dhe deputetja Teuta Haxhiu (AAK) nuk kanë marrë përgjigje për pyetjet e tyre nga zv. Kryeministrit dhe Ministër i Punëve të Jashtme z. Hashim Thaçi,