Lajmet e fundit

Me rastin e Ditës Botërore të Mjedisit, nesër, më 5 qershor 2015, grupe nxënësish nga rajone të ndryshme të Kosovës, do të vizitojnë Kuvendin e Republikës së Kosovës.

Një fjalim mirëseardhjeje për nxënësit do të mbajë kryetari i Kuvendit, Kadri Veseli, ndërsa më pas do të flasin edhe ministrat Ferid Agani e Arsim Bajrami, si dhe zëvendësi i Avokatit të Popullit, Basri Berisha.

Nxënësit do të simulojnë mbajtjen e një seance plenare, ndërsa në fund pritet të lexohet dhe miratohet Deklarata e Kuvendit të Fëmijëve të Kosovës për Mbrojtjen e Mjedisit.

Koha: 13:00

Vendi: Salla e seancave plenare

Ftoheni të përcillni këtë aktivitet.