Lajmet e fundit

Komisioni për Arsim, Shkencë, Teknologji, Kulturë, Rini dhe Sport, kryesuar nga Sali Morina, nënkryetar i Komisionit, kishte sot një takim me një delegacion të Shoqatës gjermane për bashkëpunim ndërkombëtar- GIZ. Në takim u bisedua lidhur me bashkëpunimin dhe mbështetjen që GIZ i ofron Komisionit. Sali Morina, shprehu mirënjohje për mbështetjen e deritashme nga ana e GIZ-it, që i jepet Komisionit. Gjatë takimit u bisedua edhe për fushat ku do të përqendrohet bashkëpunimi i mëtejmë, e në këtë kuadër, u fol edhe për vizitën e anëtarëve të Komisionit për Arsim në Gjermani, që planifikohet të bëhet së shpejti. Qëllimi i kësaj vizite do të jetë njohja me përvojat gjermane në lëmin e arsimit, sidomos kur është fjala për cilësinë e procesit mësimor. Me këtë rast u fol edhe për agjendën e kësaj vizite.