Lajmet e fundit

Në mbledhjen e sotme të Komisionit për Integrime Evropiane, të kryesuar nga kryetarja e komisionit Teuta Sahatqija, u shqyrtua raporti me amendamente për Projektligjin nr.05/L-30 për Përgjimin e Telekomunikimeve.

Me këtë rast, anëtarët e Komisionit kanë shqyrtuar 17 amendamente, ndërkaq nuk kanë përkrahur dy amendamente të propozuara nga dy deputetë. Mes tjerash ata kanë përkrahur propozimin për ndryshimin e emërtimit të ligjit.

Pas një diskutimi të gjerë për këtë projektligj, Komisioni u dakordua që miratimi i raportit me amendamente për Projektligjin nr.05/L-30 për Përgjimin e Telekomunikimeve të bëhet në mbledhjen e nesërme.