Lajmet e fundit

Komisioni për Bujqësi, Pylltari, Zhvillim Rural dhe Mjedis e Planifikim Hapësinor, në mbledhjen e sotme të kryesuar nga Fikrim Damka, shqyrtoi raportin e grupit punues, rreth çështjes së importit të miellit dhe ushqimit për kafshë.

Deputetët, Sali Salihu dhe Adem Salihaj, anëtarë të grupit punues, gjatë paraqitjes së raporit folën për të gjeturat dhe paraqitën rekomandimet. Anëtarët e komisionit, ndërkaq, vlerësuan se për miratimin e raportit ka nevojë për konsulta të mëtutjeshme me institucionet relevante për këtë çështje.