Lajmet e fundit

Kryetarja e Komisionit për Integrime Evropiane të Kuvendit të Kosovës, Teuta Sahatqija, ka pritur sot në takim ambasadorin e Holandës në Kosovë z.Robert Bosch. Fillimisht Sahatqija duke i uruar mirëseardhje ambasadorit holandez e njoftoi atë për punën e Komisionit.

Në këtë takim u diskutua për procesin integrues në të cilin po kalon Kosova, procesin e anëtarësimit dhe sfidat e Republikës së Kosovës në organizatat rajonale dhe regjionale, për Marrëveshjen e Stabilizim Asociimit, për procesin e liberalizimit të vizave si dhe për kontributin e këtij Komisioni në diplomacinë parlamentare.

Gjithashtu me Ambasadorin është diskutuar edhe mënyra e thellimit të bashkëpunimit të mëtutjeshëm në mes të dy vendeve dhe posaçërisht me komisionet homologe.