Lajmet e fundit

Kryetarja e Komisionit për Integrime Evropiane të Kuvendit të Republikës së Kosovës, Teuta Sahatqija, ka pritur sot në takim ambasadoren turke në Kosovë, Songyl Ozan. Me këtë rast Sahatqija ka njoftuar ambasadoren Ozan për aktivitetet nga fushëveprimtaria e komisionit, ndërkaq më tej ajo ka diskutuar edhe për mundësitë e bashkëpunimit dhe shkëmbimin e përvojave nga shteti turk, meqë siç theksoi Sahatqija Turqia është e njohur në zhvillimin e hulumtimeve dhe kërkimeve si pikë e rëndësishme për integrimet evropiane.

Sahatqija dhe Ozan u dakorduan për thellim bashkëpunimi në të ardhmen mes komisioneve homologe të këtyre dy shteteve, duke hartuar një plan të veprimit për intensifikimin e bashkëpunimit të ndërsjelltë.