Lajmet e fundit

Kryetari i Komisionit për Arsim, Shkencë, Teknologji, Kulturë, Rini dhe Sport, Nait Hasani, priti sot në një takim shefen e Zyrës së UNICEF-it në Kosovë, znj. Laila Omar Gad . Temë e këtij takimi ishin çështje të bashkëpunimit ndërmjet UNICEF-it dhe këtij Komisioni, në fushën e arsimit parauniversitar, si dhe në edukimin e fëmijëve të moshës më të re.

Znj. Laila Omar Gad shprehu gatishmërinë për të ndihmuar Komisionin në fushën e amendamentimit dhe monitorimit të ligjeve. Me këtë rast, z. Nait Hasani e njoftoi znj. Laila Omar Gad edhe me fushëveprimtarinë dhe planin e punës së Komisionit për vitin 2015.