Lajmet e fundit

Kryetari i Kuvendit të Kosovës, Kadri Veseli, e ka vizituar sot familjen e Millorad Sharkoviq it në fshatin Videj të Klinës për t'i uruar festën e Krishtlindjeve Ortodokse.

Kryeparlamentari Veseli , i cili shoqërohej nga kryetari i komunës së Klinës, Sokol Bashota, duke u uruar të pranishmëve në këtë ditë feste, u shpreh se familja e Millorad Sharkoviq është dëshmia më e mirë për integrimin e komunitetit serb në jetën institucionale dhe shoqërore në Republikën e Kosovës.

I zoti i shtëpisë, Millorad Sharkoviq, është shprehur se ndjehet i lumtur për këtë vizitë të kreut të Kuvendit të Kosovës, Veseli dhe kryetarit të Klinës,,Bashota, për t'u uruar festën e Krishtlindjes Ortodokse. Ai tha se një vizitë këtillë, në një ditë të shënuar feste,është tepër e rëndësishme, jo vetëm për familjen e tij, por edhe për gjithë komunitetin serb në Kosovë.