Lajmet e fundit

Kryetari i Kuvendit të Republikës së Kosovës, Kadri Veseli, e ka ngushëlluar sot kryetarin e Asamblesë Nacionale të Francës, Claude Bartolone, me rastin e sulmit terrorist ndaj medias së lirë franceze.

Në telegramin e ngushëllimit të kryparlamentarit Veseli thuhet:

" I nderuar kryetar i Asamblesë Nacionale të Francës, Claude Bartolone,
Në këto momente të rënda për kombin tuaj dhe median e lirë franceze, për pasojë të aktit terrorist me viktima njerëzish të pafajshëm, në emër të Kuvendit të Republikës së Kosovës dhe në emrin tim personal, ju shpreh ngushëllimet më të thella, e nëpërmjet jush edhe gjithë popullit të Francës.

Ndajmë me popullin mik francez dhembjen njerëzore për këtë humbje të madhe nga një akt i shëmtuar kriminal, duke ju garantuar se do të jemi bashkë në mbrojtje të vlerave të civilizimit modern evropian."