Lajmet e fundit

Me rastin e fund vitit, kryetari i Kuvendit të Kosovës, z. Kadri Veseli, organizoi sot pritje për gazetarët, kryeredaktorët e medieve, xhiruesit dhe fotoreporterët që ndjekin punën e Kuvendit të Kosovës.

Duke iu drejtuar të pranishmëve, kryeparlamentari Veseli, më këtë rast, vuri në spikamë nevojën e bashkëpunimit të mëtejmë në mes të Kuvendit dhe mediave. Ai po ashtu vlerësoi qëndrimin kritik të mediave, për të cilin tha se ai ndihmon në punë më të mirë dhe në transparencë edhe më të madhe të punës së Kuvendit.

Në vijim, kreu i Kuvendit, Veseli u shpreh:" Viti 2015, do të jetë vit i sfidave të mëdha, por ju siguroj po ashtu, se viti që vjen, do të jetë vit i sukseseve të mëdha për Republikën e Kosovës".