Lajmet e fundit

Me rastin e Ditës së Kërshëndellave , kryetari i Kuvendit të Republikës së Kosovës, Kadri Veseli, i ka dërguar një telegram urimi Ipeshkvit të Kosovës, Imzot Dodë Gjergji, me këtë përmbajtje:

"Shkëlqesia e Juaj, Imzot Dodë Gjergji,

Kam kënaqësinë që në këtë ditë të shenjtë, në emrin tim dhe Kuvendit të Republikës së Kosovës, t'ju uroj Juve dhe të gjithë besimtarëve katolikë, Ditën e Kërshëndellave.

Kjo ditë e madhe, simbolizon lidhjen e fuqishme të njeriut me Zotin, shpresat më sublime të njeriut, besimin në fuqinë e vlerave më të larta njerëzore, si: liria e drejtësia.

Për shumë mot gëzuar Kërshëndellat!", theksohet në telegramin e urimit të kryekuvendarit Veseli.