Lajmet e fundit

Kryetari i Parlamentit të Malit të Zi, Ranko Krivokapiq, i ka dërguar një telegram urimi, z. Kadri Veseli, me rastin zgjedhjes në postin e kryekuvendarit të Kosovës me këtë përmbajtje:

"Shkëlqesia juaj,

Në emër të Parlamentit të Malit të Zi, si dhe në emrin tim personal, i uroj Shkëlqesisë suaj në përzgjedhjen tuaj, në pozitën e kryetarit të Kuvendit të Kosovës. Ju dëshiroj mandat dhe sukses frytdhënës.

Unë fuqimisht besoj se pozita juaj do të jetë një kontribut i rëndësishëm i marrëdhënieve të shkëlqyera diplomatike mes dy vendeve tona dhe do ta thellojë bashkëpunimin në mes dy parlamenteve.

I nderuar Shkëlqesi, unë përfitoj nga ky rast që t'ju shpreh respektin dhe nderimet e mia më të larta", theksohet në telegramin e urimit të kryekuvendarit, Ranko Krivokapiq .