Lajmet e fundit

Kryetari i Kuvendit Kombëtar të Republikës së Sllovenisë, Milan Brglez, ka uruar z. Kadri Veseli, me rastin e zgjedhjes së tij kryetar i Kuvendit të Republikës së Kosovës.

Në urim thuhet:

"Shkëlqesia Juaj,

Më lejoni që në emër të Kuvendit Kombëtar të Republikës së Sllovenisë, si dhe në emrin tim personal, t'ju përcjell urimet e sinqerta për zgjedhjen Tuaj kryetar i Kuvendit të Republikës së Kosovës.

Ju dëshiroj shumë suksese në kryerjen e detyrave Tuaja kërkuese dhe të përgjegjshme.

Jam i kënaqur që marrëdhëniet në mes të dy vendeve tona po zhvillohen me sukses dhe frymë miqësore, dhe se ato ofrojnë bazë të fortë për të përforcuar bashkëpunimin në të gjitha fushat dhe interesit të përbashkët.

Për më tepër, do të dëshiroja të shfrytëzoj këtë rast të potencoj progresin që keni arritur në kuadër të procesit të integrimit evropian dhe t'ju siguroj mbështetjen dhe gatishmërinë e Kuvendit Kombëtar për përforcimin e mëtejmë të bashkëpunimit midis parlamenteve tona.

Ju lutem, Shkëlqesia Juaj, pranoni konsideratat e mija më të larta.

Dr. Milan Brglez"