Lajmet e fundit

Mbledhja e jashtëzakonshme e Kuvendit të Kosovës për zgjedhjen e Qeverisë, e nisur dje, ka vazhduar sot, e kryesuar nga, Kadri Veseli, kryetar i Kuvendit.

Edhe kjo mbledhje është përcjell nga ambasadorë të shumtë të akredituar në Kosovë, si dhe Ulrike Lunacek, nënkryetare e Parlamentit Evropian.

Meqë mandatari për formimin e Qeverisë së Kosovës, Isa Mustafa, në mbledhjen e djeshme ka paraqitur pjesë të programit, si dhe agjendën qeverisëse për katër vjeçarin e ardhshëm, ai sot paraqiti kabinetin qeveritar në këtë përbërje:

Kryeministër i Republikës së Kosovës, Isa Mustafa.

Hashim Thaçi, zv. kryeministër dhe ministër i Ministrisë së Punëve të Jashtme.

Kujtim Shala, zv. kryeministër dhe ministër i Ministrisë së Kulturës Rinisë dhe Sportit.

Branimir Stojanoviq, zv. kryeministër.

Mahir Yagcilar, ministër i Ministrisë së Administratës Publike.

Lubomir Mariq, ministër i Ministrisë së Pushtetit Lokal.

Arsim Bajrami, ministër i Ministrisë së Arsimit, Shkencës dhe Teknologjisë.

Valon Murati, ministër i Ministrisë së Diasporës.

Hajredin Kuçi, ministër i Ministrisë së Drejtësisë.

Avdulla Hoti, ministër i Ministrisë së Financave.

Blerand Stavileci, ministër i Ministrisë së Zhvillimit Ekonomik.

Bekim Qollaku, ministër i Ministrisë së Integrimit Evropian.

Haki Demolli, ministër i Ministrisë së Forcës së Sigurisë së Kosovës.

Aleksander Jabllanoviç, ministër i Ministrisë për Komunitete dhe Kthim.

Ferid Agani, ministër i Ministrisë së Mjedisit dhe Planifikimit Hapësinor.

Arban Abrashi, ministër i Ministrisë së Punës dhe Mirëqenies Sociale.

Imet Rrahmani, ministër i Ministrisë së Shëndetësisë.

Lutfi Zharku, ministër i Ministrisë së Infrastrukturës.

Hikmete Bajrami, ministre e Ministrisë së Tregtisë dhe Industrisë.

Skender Hyseni, ministër i Ministrisë së Punëve të Brendshme.

Memli Krasniqi, ministër i Ministrisë së Bujqësisë, Pylltarisë dhe Zhvillimit Rural.

Edita Tahiri, ministre pa portofol dhe Rasim Demiri, ministër pa portofol.

Pas kësaj, Kabineti Qeveritar i propozuar nga mandatari, Mustafa, është hedhur në votim.

Me këtë rast, deputetët me shumicë votash: 73 për, 38 kundër dhe dy abstenime zgjodhën Qeverinë e re të Kosovës.

Kabineti ri qeveritar, po sot ka dhënë betimin para legjislativit të vendit.

Kryetari i sapozgjedhur i Qeverisë, Isa Mustafa, ndërkaq, në fund u është drejtuar deputetëve me një fjalë rasti. Pasi falënderoi për besimin e dhënë, Mustafa i siguroi deputetët se do të punojë me nder dhe përkushtim duke respektuar Kushtetutën e Republikës së Kosovës.