Lajmet e fundit

Në kuadër të mbështetjes për përmirësimin e cilësisë së sistemit të financave publike në Kosovë, u nënshkrua sot Memorandumi i mirëkuptimit ndërmjet Kuvendit të Kosovës dhe Projektit të GIZ-it.

Memorandumi u nënshkrua nga Sekretari i përgjithshëm i Kuvendit, Ismet Krasniqi dhe udhëheqësja e Projektit të GIZ-it, Alexandra Fehlinger.

Ky memorandum është në funksion të vazhdimit të bashkëpunimit dhe zgjerimit të tij, ndërmjet Kuvendit të Kosovës dhe Projektit të GIZ-it, për reformimin e sistemit të financave publike në Kosovë, duke përfshirë mbështetjen për Komisionin për Buxhet dhe Financa dhe atë për Mbikëqyrjen e Financave Publike.