Lajmet e fundit

Me rastin dhënies së statusit të kandidatit për anëtarësim të Shqipërisë në Bashkimin Evropian, kryetari i Kuvendit të Kosovës,dr. Jakup Krasniqi, ka përgëzuar kryeparlamentarin e Shqipërisë me këto fjalë:"

I nderuar Zoti Kryetar,

Kam kënaqësinë e veçantë që në emër të Kuvendit të Republikës së Kosovës t'ju uroj Juve dhe mbarë popullit të Republikës së Shqipërisë marrjen e statusit të kandidatit për anëtarësim të Shqipërisë në Bashkimin Evropian.

Duke përshëndetur vendimin e Këshillit të Ministrave të vendeve anëtare të BE-së, angazhimin me përkushtim të institucioneve shqiptare dhe mbarë spektrit politik të Shqipërisë, shpreh bindjen time të thellë në suksesin e plotë të Republikës së Shqipërisë drejt integrimit në Bashkimin Evropian.

Bashkimi Evropian është dhe mbetet aspirata parësore e shqiptarëve kudo që janë.

Ju lutem, z. Kryetar, pranoni shprehjen e konsideratës sime më të lartë", theksohet në telegramin e kryekuvendarit Krasniqi dërguar z. Ilir Meta.