Lajmet e fundit

Në mbledhjen e sotme të Komisionit për Bujqësi, Pylltari, Zhvillim Rural dhe Mjedis e Planifikim Hapësinor, kryesuar nga Nait Hasani, kryetar i këtij Komisioni, u shqyrtuan në parim tri projektligje: Projektligji për shitjen e banesave për të cilat ekziston e drejta banesore, Projektligji për krijimin e infrastrukturës kombëtare të informacionit hapësinor në Republikën e Kosovës dhe Projektligji për regjistrimin e bujqësisë.

Po ashtu, komisioni ka miratuar edhe Planin hapësinor për Parkun Kombëtar "Sharri", si dhe Planin e Punës së komisionit për vitin 2014.