Lajmet e fundit

Deputetja e Kuvendit të Kosovës, znj. Alma Lama, merr pjesë në konferencën ndërkombëtare dyditore "Gratë, Pushteti dhe Politika:-Rruga për një demokraci të qëndrueshme", që po mbahet në Oslo, e mbështetur nga Ministria e Jashtme e Mbretërisë së Norvegjisë. Në këtë konferencë marrin pjesë gra lidere, politikane dhe organizata jo-qeveritare nga të gjitha vendet e botës. Znj. Lama është ftuar në cilësinë e deputetes së Kuvendit, falë angazhimeve të saj në fushëveprimtarinë e grave.

Qëllimi i konferencës është të trajtojë problemet madhore me të cilat ballafaqohen gratë në vende të ndryshme, veçanërisht në vendet që po kalojnë nëpër konflikte dhe luftëra, ku të drejtat e njeriut po shkelen, ndërsa gratë e fëmijët janë viktimat më të mëdha.

Edukimi i vajzave dhe përfshirja e grave në tregun e punës janë disa nga çështjet më të rëndësishme që po diskutohen, në mënyrë që situata të ndryshojë në shkallë globale.