Lajmet e fundit

Komisioni për të Drejtat dhe Interesat e Komuniteteve dhe Kthim, i kryesuar nga z. Elmi Reçica- nënkryetar i parë, sot mbajti mbledhje ku e shqyrtoi Projektligjin nr. 04/L-193 për avokatinë, me Raportin dhe amendamentet e Komisionit funksional për Legjislacion.

Në këtë mbledhje, përveç anëtarëve të Komisionit, morën pjesë edhe përfaqësuesit e OSBE-së dhe të Ambasadës së Zvicrrës në Prishtinë.

Pas diskutimit gjithëpërfshirës dhe votimit, anëtarët e Komisionit miratuan Projektligjin nr.04/L-193 për avokatinë, me Raportin dhe amendamentet e Komisionit funksional për Legjislacion.