Lajmet e fundit

Me rastin e ngjarjeve në veri të Kosovës, kryetari i Kuvendit të Kosovës, dr. Jakup Krasniqi dënon incidentet e fundit në këtë pjesë të Kosovës.

"Ngjarjet e tilla janë pasojë e mosrespektimit të rendit dhe mosshtrirjes së ligjit në këtë pjesë të Republikës së Kosovës", thekson ai.

Kryetari i Kuvendit të Kosovës kërkon nga organet kompetente që autorët e këtyre incidenteve të kapen dhe të vihen para drejtësisë.