Lajmet e fundit

Komisioni për Zhvillim Ekonomik, Infrastrukturë, Tregti dhe Industri, i Kuvendit të Kosovës, në mbledhjen e sotme të kryesuar nga Zenun Pajaziti, kryetar i Komisionit, miratoi amendamentet e grupit punues të Projektligjit për punimet nga metalet e çmuara. Këtë projektligj, komisioni vendosi ta procedojë në lexim të dytë në mbledhje plenare sipas Rregullores së Kuvendit.

Në këtë mbledhje, komisioni shqyrtoi edhe Projektligjin për miniera dhe minerale, i cili me iniciativë të komisionit është në procedurën e plotësim ndryshimit.

Lidhur me miratimin në parim të këtij projektligji, komisioni pritet të marrë vendim në mbledhjen e radhës.