Lajmet e fundit

Kryetari i Kuvendit të Republikës së Kosovës, dr. Jakup Krasniqi, priti sot në një takim shefen e Zyrës Administrative në veri të Mitrovicës, znj. Adriana Hoxhiq. Me këtë rast, znj. Hoxhiq e njoftoi kreun e legjislativit të vendit, lidhur me punën që po bëhet, si dhe për planet që ka kjo zyrë në të ardhmen, si në aspektin e ofrimit të kushteve sa më të mira për shërbime administrative për qytetarët, ashtu edhe në aspektin e realizimit të disa projekteve zhvillimore, posaçërisht në infrastrukturë.

Kryetari i Kuvendit të Kosovës, Krasniqi, e përgëzoi znj. Adriana Hoxhiq për të arriturat e deritashme dhe planet e punës në të ardhmen, duke theksuar se kjo zyrë do të ketë përkrahjen për realizimin e detyrave të saj,si nga Kuvendi, ashtu edhe nga institucionet tjera të Kosovës dhe ato ndërkombëtare, në të mirë të të gjithë qytetarëve të kësaj pjese të vendit.