Lajmet e fundit

Kryetari i Kuvendit të Republikës së Kosovës, dr. Jakup Krasniqi, me rastin e fillimit të muajit të shenjtë të Ramazanit, uron kryetarin e Bashkësisë Islame të Kosovës, myftiun Naim Tërnava dhe të gjithë besimtarët myslimanë të Kosovës.

Në urim thuhet:

"I nderuar z. Tërnava,

Me rastin e fillimit të muajit të shenjtë të Ramazanit, më lejoni t'ju shpreh urimet e mia më të përzemërta Juve dhe gjithë besimtarëve myslimanë në Republikën e Kosovës.

Urojmë që mes qytetarëve të Republikës së Kosovës të mbretërojë paqja dhe mirëkuptimi.

Muaji i shenjtë i Ramazanit le të shërbejë për rritjen dhe forcimin e solidaritetit e të dashurisë ndërmjet njerëzve".