Lajmet e fundit

Kryetari Veseli takoi Kenneth Deane, drejtorin e Misioneve civile pranë Shërbimit evropian të çështjeve të jashtme

E Enjte, 12.05.2016




Kryetari i Kuvendit të Republikës së Kosovës, Kadri Veseli, ka takuar sot, Z. Kenneth Deane, drejtorin e Misioneve civile pranë Shërbimit evropian të çështjeve të jashtme.


Kryetari Veseli dhe Z. Deane, biseduan për zhvillimet aktuale në vend, me theks të veçantë për misionin e EULEX-it në Republikën e Kosovës.


Gjatë takimit, Z. Veseli potencoi që ekspertiza evropiane është e domosdoshme për Republikën e Kosovës, sikurse është edhe respektimi i sovranitetit të Republikës së Kosovës.


"Sundimi i ligjit është njëri nga prioritetet kryesore të institucioneve tona. Vetëm me sundimin e ligjit, Republika e Kosovës mund të aspirojë zhvillimin ekonomik dhe integrimin në strukturat euro-atlantike", theksoi kryekuvendari Veseli.

 

 

Kryetari Veseli takoi Kenneth Deane, drejtorin e Misioneve civile pranë Shërbimit evropian të çështjeve të jashtmeKryetari Veseli takoi Kenneth Deane, drejtorin e Misioneve civile pranë Shërbimit evropian të çështjeve të jashtme