Lajmet e fundit

Në bazë të përfundimit të Kryesisë së Kuvendit, të mbajtur me 20 shtator 2017, është kërkuar nga të gjitha grupet parlamentare që t'i propozojë emrat e deputetëve për kryetarët dhe anëtarët e komisioneve parlamentare deri të hënën, më 25 shtator, në orën 12:00.

Mirëpo, deri më sot, (më 25 shtator, ora 14:00), propozimet i kanë parashtruar: Grupi parlamentar Lista Serbe, Grupi Parlamentar Aleanca për Ardhmërinë e Kosovës dhe Grupi Parlamentar Nisma për Kosovën.

Pas parashtrimit dhe propozimeve edhe nga grupet tjera parlamentare të emrave të deputetëve për kryetarë, zëvendëskryetarë dhe anëtarë të komisioneve parlamentare, do të thirret mbledhja e Kryesisë së Kuvendit.

Së fundi, propozimet i kanë parashtruar edhe Grupi Parlamentar 6+, Grupi Parlamentar i Vetëvendosjes dhe ai i LDK-së.