Lajmet e fundit

Komisioni për të Drejtat e Njeriut, Barazi Gjinore, Persona të Pagjetur dhe Peticione, i kryesuar nga kryetari i Komisionit, znj. Duda Balje, sot zhvilloi një takim në të cilën pikë kryesore në rendin e ditës ishte Ligji për statusin dhe të drejtat e personave paraplegjikë dhe tetraplegjikë dhe Ligjit për skemën e pensionale e cila financohet nga shteti.

Në këtë takim, krahas anëtarëve të Komisionit, morën pjesë përfaqësues të Ministrisë së Punës dhe Mirëqenies Sociale, i kryesuar nga Ministri, z Skender Reqica, përfaqësuesit e Ombudspersonit të Kosovës, UNMIK-ut, UNICEF, dhe përfaqësuesi i Ambasadës Zvicerane në Prishtinë.

Në këtë takim, duke folur për Ligjin për statusin dhe të drejtat e personave paraplegjikë dhe tetraplegjikë, ministri, z. Reqica vuri në dukje se që nga prilli i këtij viti në shtatë rajonet e Kosovës ka themeluar nga një komision të posaçëm për të mbledhur kërkesat prej personave që janë paraplegjikë dhe tetraplegjikë, dhe se deri më tani janë mbledhur gjithsej 1.550 kërkesa dhe pas shqyrtimit të kërkesave nga Komisioni i Posaçëm deri tani janë lëshuar rreth 150 kartela identifikuese në emër të kësaj kategorie të personave. Në vazhdim, ministri tha se deri në nëntor të këtij viti do të vazhdoi mbledhjen e kërkesave të kësaj kategorie të personave, dhe se për këtë shkak dhe mungesës së fondeve në emër të pagesës për këtë kategori ende nuk dihet shuma e sakte e mjeteve e cila do i paguhet kësaj kategorie të personave, mirëpo me rishqyrtimin e Buxhetit, që parashihet se këtyre ditëve do të bëhet, do të dihet saktësisht sa do të jetë shuma e cila duhet paguar çdo poseduesi të kartelës identifikuese për këtë kategori të personave.

Në këtë takim duke diskutuar për këtë temë anëtarët Komisionit u pajtuan që sa më shpejt të jetë e mundur për të mbledhur numrin e saktë të personave paraplegjikë dhe tetraplegjikë dhe për të filluar sa më shpejt ndihmën e pagesës për këtë kategori të njerëzve..

Në vazhdim të mbledhjes anëtarët e Komisionit për të Drejtat e Njeriut, Barazi Gjinore, Persona të Pagjetur dhe Peticione, ministri i Ministrisë së Punës dhe Mirëqenies Sociale, z Reqica ka informuar në lidhje me Ligjin për skemat pensionale të financuara nga shteti. Duke folur mbi këtë temë, ministri vuri në dukje se për të gjithë personat që marrin një pension në emër përvojës së punës, asistencës sociale listat do të përshpejtohen dhe të pastrohen dhe se me këtë ai dëshiron të dijë numrin e saktë të atyre shfrytëzuesve të cilët kanë nevojë për të qenë në lista. Në vazhdim, ministri tha se tani për tani ka disa paqartësi dhe kundërthënie përkitazi me disa Ligje që kanë të bëjnë me shfrytëzuesit e ndihmave të të gjitha kategorive, qoftë në emër të përvojës së punës, ndihmës sociale, po ashtu edhe në emër të veteranëve të luftës, martirëve, personave të zhdukur. etj.

Anëtarët e Komisionit me këtë rast u pajtuan se Qeveria e Kosovës duhet të gjej urgjentisht zgjidhje për të gjitha këto ligje për të eliminuar të gjitha paqartësitë dhe kontradiktat, dhe se për të gjitha këto ligje në lidhje me financimin e ndihmës nga shteti të gjejnë zgjidhje.

Në pjesën e dytë të mbledhjes anëtarët e Komisionit për të Drejtat e Njeriut, Barazi Gjinore, Persona të Pagjetur dhe Peticione, gjithashtu kanë diskutuar edhe për Projektligjin për ndryshimin dhe plotësimin e Ligjit për liritë fetare në Kosovë.